ದೈಹಿಕ ಕಾಯಿಲೆಗಳು ಮತ್ತು ಕಣ್ಣು Daihka Kayilegalu Mattu Kannu By H S Mohan, ಎಚ್ ಎಸ್. ಮೋಹನ್

ಕಣ್ಣು ಬೆಳಕನ್ನು ಪ್ರತಿಫಲಿಸಿ ವಸ್ತುಗಳು ನಮಗೆ ಕಾಣುವಂತೆ ಮಾಡುವ ಪ್ರಮುಖ ಅಂಗ. ದೈಹಿಕ ಕಾಯಿಲೆಗಳಿಗೂ ಕಣ್ಣಿಗೂ ಏನಾದರೂ ನಂಟು ಇದೆಯೆ ? ಹೌದು, ಇದೆ - ಎನ್ನುತ್ತಾರೆ ಈ ಕೃತಿಯ್ ವೈದ್ಯ ಲೇಖಕರು. ಹಲವಾರು ದೈಹಿಕ ಕಾಯಿಲೆಗಳ ಇರುವಿಕೆ ಹಾಗೂ ಲಕ್ಷಣಗಳು ಕಣ್ಣನ್ನು ಪರೀಕ್ಷಿಸುವಾಗ ಪತ್ತೆಯಾದದ್ದುಂಟು.ಕಣ್ಣು ಹಳದಿಯಾದಾಗ ಕಾಮಾಲೆ, ದೃಷ್ಟಿಯಲ್ಲಿ ಏರುಪೇರಾದಾಗ ಮಧುಮೇಹ ಪತ್ತೆಯಾದಂತೆ ಇನ್ನಿತರ ದೈಹಿಕ ಕಾಯಿಲೆಗಳನ್ನು ಸಹ ಕಣ್ಣಿನಲ್ಲಿ ವ್ಯಕ್ತವಾಗುವ ಬಲು ಸೂಕ್ಷ್ಮ ವ್ಯತ್ಯಾಸಗಳಿಂದ ಪತ್ತೆಹಚ್ಚಬಹುದು. ಕಣ್ಣಿನ ತೊಂದರೆಗೆಂದು ನೇತ್ರ ವೈದ್ಯರಲ್ಲಿಗೆ ಹೋಗಿ “ಐ ಡ್ರಾಪ್ಸ್ ಕೊಡಿ ಸಾರ್” ಎಂದು ಪೀಡಿಸಿದಾಗ ಅವರು ಇನ್ನಿತರ “ಸ್ಪೆಷಲಿಸ್ಟ್” ವೈದ್ಯರನ್ನು ಕಾಣಿರೆಂದು ತಿಳಿಸಿದರೆ ಗೊಣಗುತ್ತೇವೆ. ಅವರು ಅದೇಕೆ ಹಾಗೆ ಹೇಳಿದ್ದೆಂದು ಈ ಕೃತಿಯನ್ನೋದಿದಾಗ ಮನವರಿಕೆ ಆಗುತ್ತದೆ. ಕಣ್ಣಿನಲ್ಲಿ ಯಾವ ದೈಹಿಕ ಕಾಯಿಲೆಯ ಲಕ್ಷಣ ಪತ್ತೆಯಾಗುವುದೆಂದೂ ಇನ್ನಿತರ ಭೀಕರ ಕಾಯಿಲೆಗಳಿಂದ ನಮ್ಮ ಕಣ್ಣುಗಳಿಗಾಗುವ ಹಾನಿಯನ್ನೂ ತಿಳಿಸುತ್ತದೆ.