ಲು ಷುನ್ ಕಥೆಗಳು |Lu Shun Kathegalu By ಜಿ ಪಿ ಬಸವರಾಜು, G P Basavaraju

ಲು ಷುನ್ ಈ ಕತೆಗಳನ್ನು ಬರೆದು ಸರಿಯಾಗಿ ಒಂದು ಶತಮಾನ ಕಳೆದುಹೋಗಿದೆ. ಆಗಿನ ಚೀನಾದ ಸ್ಥಿತಿಗತಿಗಳು, ಪ್ಯೂಡಲ್ ವ್ಯವಸ್ಥೆಯ ಕ್ರೌರ್ಯ, ಮುಗ್ಧ ಜನ ಅನುಭವಿಸುತ್ತಿದ್ದ ನೋವು ಇವೆಲ್ಲ ಲಷುನ್ ಕತೆಗಳಲ್ಲಿ ಚಿತ್ರಿತವಾಗಿವೆ. ನಿರ್ದಿಷ್ಟ ಉದ್ದೇಶಕ್ಕಾಗಿ ಅವನು ಬಳಸುತ್ತಿದ್ದ ಹಾಸ್ಯ, ವ್ಯಂಗ್ಯ, ವಿಡಂಬನೆ, ಗೇಲಿ ಅವನ ಕಥನ ಶೈಲಿಯ ಭಾಗವಾಗಿ ಬಹಳ ಪರಿಣಾಮಕಾರಿಯಾಗಿವೆ. ಸಾಹಿತ್ಯದ ಹೊಳಪನ್ನು ಹೆಚ್ಚಿಸುವಂಥ ಪ್ರಯೋಗಗಳೂ ಇಲ್ಲಿನ ಗದ್ಯ ಕವಿತೆಗಳಲ್ಲಿವೆ. 'ಆಹ್ ಕ್ಯೂನ ನಿಜವಾದ ಕತೆ' ಲು ಷುನ್ ಕ್ರಾಂತಿಯನ್ನು ಪರಿಭಾವಿಸಿದ ರೀತಿಯನ್ನು ಹೇಳುವಂತಿದೆ. 'ಸುಖೀ ಸಂಸಾರ' ಎನ್ನುವ ಕತೆ ಆಗಿನ ಚೀನಾದ ತೀರ ಸಾಮಾನ್ಯ ಕುಟುಂಬದ ನೋವಿನ ಕತೆಯನ್ನು ದಾಖಲಿಸುವಂತಿದೆ. 'ಖಡ್ಗ ತಯಾರಿಸಿದ್ದು' ಎನ್ನುವ ಕತೆ ಲು ಪುನ್ ಗ್ರಹಿಕೆ ಮತ್ತು ಕಥನ ಪ್ರತಿಭೆಗೆ ಸಾಕ್ಷಿಯಾಗಿದೆ. ಸಾಹಿತ್ಯಾಸಕ್ತರನ್ನು ಈ ಕತೆಗಳು ಸೆಳೆಯಬೇಕು;' ಸೆಳೆಯುತ್ತವೆ ಎಂಬ ನಂಬಿಕೆ ನನಗಿದೆ.

ಜಿ.ಪಿ.ಬಸವರಾಜು